Адыгэ Республикэм и Къэралыгъо Совет — Хасэм и НыбжьыкIэ парламент хэтэу, «ШIыхьаф Куп» зыфиIорэм ипащэу Роман Купиныр мы мафэхэм Iошъхьэмафэ дэкIоягъэхэм ахэтыгъ. Адыгеир зызэхащагъэр илъэси I00 зэрэхъугъэм ар фагъэхьыгъ. Сыхьатитфым къыкIоцI метрэ 5642-рэ зилъэгэгъэ къушъхьэу Iошъхьэмафэ дэкIоягъэх.
Iошъхьэмафэ удэкIоеныр спорт Iофтхьэбзэ гъэшIэгъонэу, къинэу щыт. Iошъхьэ-дэкIоеным ылъэныкъокIэ щынэгъончъэгъэ ин къызыхэбгъэфэныр, ащ уфэхьазырыныр пшъэрылъ шъхьаI. Къушъхьэ лъагэм удэкIоен хъумэ, тхьамафэ фэдизрэ зытебгъэпсыхьан фае. Тыфэхьазырэу гъогу тытехьагъ, типшъэрылъ дгъэцэкIагъэ, лъэшэу тыгу рихьыгъ, — къыIуагъ Роман Купиным.
Анахь къушъхьэ лъагэу Европэм итым ышъхьагъ Адыгэ Республикэм инып щагъэбыбэтагъ.
Comments
Post a Comment