Адыгэ Республикэм икъэралыгъо хабзэ игъэцэкIэкIо къулыкъу ыцIэкIэ Урысые Федерацием исенатор ипшъэрылъхэр Александр Наролиным зэригъэцэкIэщтхэм фэгъэхьыгъэ унашъом Адыгэ Республикэм и ЛIышъхьэу КъумпIыл Мурат кIэтхэжьыгъ. Ащ ыпэкIэ а IэнатIэр зыIыгъыгъэр мы илъэсым зидунай зыхъожьыгъэ Олег Селезневыр ары,- джащ фэдэу adygheya.ru къыщатхы.
Джы республикэм игъэцэкIэкIо хабзэ икъулыкъухэм ацIэкIэ Александр Наролиным Федерацием и Совет Адыгеир къыщигъэлъэгъощт, Хъопсэрыкъо Мурат – республикэм изаконихъухьэ хабзэ икъулыкъухэм ацIэкIэ.
Тыгъэгъазэм и 14 Александр Наролинымрэ Адыгеим и ЛIышъхьэрэ зызэIокIэхэм, КъумпIыл Мурат фэгушIуагъ сенаторым иполномочиехэр зэригъэцэкIэщтхэм фэшI ыкIи Урысые Федерацием и Президентэу Владимир Путиным къыгъэнэфэгъэ пшъэрылъхэм язэшIохынкIэ федеральнэ гупчэм зэдэлэжьэныгъэ дыряIэным фытегъэпсыхьэгъэ IофшIэным мэхьанэшхо зэриIэр къыхигъэщыгъ.
Comments
Post a Comment