Курдж хэгъэгум икъэлашъхьэу Тбылыс. Сурэтыр къызхэтхыгъэр: telegraph.com
Адыгэ-хъурцэ гуманитар шIэныгъэхэм яупчIэ шъхьаIэхэр
Адыгэ шIэныгъэлэжь цIэрыIоу, филологие шIэныгъэхэмкIэ кандидатэу Иуанэкъо Нурбый ишIэжь фэгъэхьыгъ.
Ныбджэгъу лъапIэхэр, Адыгэ Культурэм Игупчэ шъукъырегъэблагъэ я VI хабзэ хъугъэ дунэе шIэныгъэ сессием шъухэлэжьэнэу. Коронавирусым епхыгъэ пандемием къыхэкIэу Хъурцэ къэралыгъом щаштагъэ ошIэ-дэмышIэ щытыкIэмрэ гъэтхъыхьагъэхэмрэ къахэкIэу, сессиер 2021 илъэсым гъэтхапэм и 19-20 мафэхэм онлайн-шъуашэм илъэу рекIокIыщт.
ШIэныгъэлэжьхэмрэ студентхэмрэ (бзэшIэныгъэлэжьхэр, тарихълэжьхэр, политологхэр, этнологхэр, жэрыIуабзэлэжьхэр, диншIэныгъэлэжьхэр, культурологхэр, литературэмкIэ шIэныгъэлэжьхэр) яшIоигъоныгъэ къыхагъэщын алъэкIыщт сессием иIофшIэн хэлэжьэнхэмкIэ, ятезисхэр электрон шъуашэм илъхэу къырагъэхьын алъэкIыщт тыгъэгъазэм и 10-м нэс мы адрессымкIэ: circassianculture@gmail.com.
ШIоигъоныгъэ тхьапэхэмрэ тезисхэмрэ аштэщтых 2021 илъэсым мэзаем и 15 нэс.
IофшIэгъу бзэхэр: хъурцабзэ, инджылызыбз, адыгабзэ, урысыбзэ.
Техническэ зэдэштэныгъэхэр: хъурцабзэкIэ тхыгъэм пае – Sylfaen (11), инджылызыбзэкIэрэ ыкIи урысыбзэкIэрэ тхыгъэхэм апае – Times New Roman (12), Word ыкIи PDf шъуашэм илъхэу. Тезисым хэт хьарыфхэр 600-м ехъу хъущтэп. АдыгабзэкIэ тхыгъэ тезисхэр урысыбзэкIи зэдзэкIыжьыгъэнхэ фае.
Егъэхъугъэ къэбарым пае зыфэжъугъаз: Тбылыс, 0105, ур. Санапиро 4; телефоныр: (032) 230 51 18; (598) 50 19 72.
Comments
Post a Comment