Ащ илъэтегъэуцо тыгъэгъазэм и 11-м 2020 илъэсым платформэу «Zoom” зыфиIорэм щыкIуагъ.
Тхылъым дэлэжьагъэр ыкIи зэхэзгъэуцуагъэр къалэу Тбилиси дэт Къэралыгъо университетым ипрофессорэу, кавказыбзэхэм язэгъэшIэнкIэ шIэныгъэлэжьэу , «Кавказ унэм» иIофышIэу Уджыхъу Тэмар.
Темыр Кавказым иапшъэрэ еджапIэхэм ащеджэрэ студентхэу урысыбзэ зыIулъхэм тхылъыр ателъытагъ.
Джащ фэдэу ,адыгабзэ зэзгъашIэ зышIоигъо пстэуми тхылъыр IэпыIэгъушIу афэхъущт. Адыгабзэм изэхэлъыкIэ фэгъэхьыгъэ упчIэхэр мыщ щызэхэфыгъэх- морфологиер, синтаксисыр, фонетикэр.
Тхылъыр гъэшIэгъонэу зэхэгъэуцуагъ, адыгабзэр нахь IэшIэхэу цIыфым зэригъэшIэным ар тегъэпсыхьагъ. Усэхэр, зэдэгущыIэгъу гъэшIэгъонхэр, текст зэфэшъхьафхэр , лъэпкъ фольклорым щыщ пычыгъохэр, IурыIупчъэхэр мыщ къыдэхьагъэх.
Ащ нэмыкIэу, адыгэ- урыс гущыIэлъэ кIэкI тхылъым дэбгъотэщт. Тхылъым иредакторыр: профессорэу Цира Барамидзе.
ЗэдзэкIыжьыным дэлэжьагъэр: филологие шIэныгъэхэмкIэ докторэу, профессорэу Ирина Капанадзе. Адыгэ текстхэм яредакторыр: филологие шIэныгъэхэмкIэ кандидатэу Хъуажъ Нуриет. Тхылъым икъыдэгъэкIын дэлэжьагъэр : КавказоведениемкIэ институтыр.
Къызхэтхыгъэр: facebook
Comments
Post a Comment