Европэ хэгъэгухэм Iугъэ-газ дэйоу жьым хатIупщыхьэрэр нахь макIэу ашIыщт

Тыгъэгъазэм и 12-м, Европэ зэгохьэныгъэм хэт хэгъэгу 27-м ятхьэматэхэм зэхэсыгъохэр яIагъэх. Ащ зэфэшъххьаф Iофхэм тегущыIагъэх ыкIи унашъохэр ащтагъэх.

Iофэу зытегущыIагъэхэм ащыщ заводхэм, кухэм ыкIи нэмыкIхэм Iугъэ-газ дэйоу жьым хатIупщыхьэрэм чыопсым иягъэ къызэрэригъэкIырэм ыкIи ахэр нахь макIэу зэрэпшIыщт щыкIэхэм. МыщкIэ пстэуми зэдащтагъ ыкIи унашъо ащтагъ а Iугъэ-газэу атIупщыхьэрэр процент 50 фэдизкIэ нахь макIэу ашIынэу мы къакIорэ мазэхэм.

Дунаем жьыу тетыр нахь къабзэ хъуным дэлажьэрэ сайтэу activesustainability къызэрэщатхыгъэмкIэ, Iугъэ-газ дэйхэр анахьыбэу зитIупщырэ хэгъэгуитфыр мыхэр арых:

I- Китай - ащ дунаемкIэ атIупщырэм ипроцент 30 фэдиз жьым хетIупщыхьэ.
2- Америкэ Зэгот Хэгъэгухэр - процент 15.
3- Индие - процент 7.
4- Урысые-Федерацие - процент 5.
5 - Японие - процент 4.


Comments