Чъэпыогъу мазэм и 26-м Къэбэртаем Къетыкъо тIуакIэ зыфаIорэ чIыпIэу Псыхурей инэпкъ Шъыгъо мыжъосыныр зыдэщытым нэбгырэ заулэ щызэрэугъои ТхьэлъэIу щашIыгъ.
Мы чIыпIэ дэдэр ары аужыпкъэрэ адыгэ пщы-оркъыдзэу Мэзибл заом хэлэжьагъэмэ ащыщыр зыщыфэхыгъэр. Урысыдзэу фэдэпчъагъэкIэ нахьыбэм гъэбылъыгъэу, хьилагъэу ар къыухъурэи, зыкъыземытым, топхэмкIэ зыщызэхиукIыхьагъэр.
А зязгъэукIыгъэхэм къакIэныгъэу тэ къытэнэсыжьгъэмэ ащыщэу анахь шъхьаIэр напэр ары. Непэрэ адыгэхэмкIэ ар тищыкIэгъэдэд. Арышъ, ТхьэлъэIухэри тшIын фае, ащ фэдэ чIыпIэхэу Ижъырэ Адыгэ шъолъырым Хабзэр зыщыбгъотыжьын плъэкIыщтэу итыр бэдэд.
ТхьэлъэIум хэлэжьагъэмэ ащыщэу ЩэшIэ Аслъан.
Псалъэр лъызгъэкIуатэрэр Къэбэртае щыщэу, ари ТхьэлъэIум хэлэжьагъэу ЩэшIэ Алыдж:
Мазибл зауэ. Мывэ бжыхьибл. Псэ гъуэгу. ТхьэлъэIу. Адыгэ лъэпкъ.
***
Зыгуэрым гу лъывэзгъэтэну сыхуейт... НэхъапэIуэм, илъэс зы тIу и пэ, Къетыкъуэ тIуащIэм кIуэуэ Тхьэ щелъэIуну мурад зэращIар нэхъыжъхэм я щыщ зым щыжраIэм: НытIэ ар район унафэщIым жеIауэ, ахэри хэту, моуэ щэ, екIуу Iэтауэ зэфIэхын хуейщ, жиIэри район администрацэм псэлъащ:
"Уэ Мухьэмэд (цIэр къэдгупсысащ!), щIалэхэр а Къетыкъуэ тIуащIэм щагъэува фэеплъым и деж накIуэнурэ ТхьэлъэIу тIэкIу щащIынущи, мо щэ, фи представительхэр къэвгъакIуи, ахэри яхэту, мо щэ, фэ тету нэхъ екIуу Iэтауэ евгъэкIуэкI а тIэкIур!"..
ЩIалэгъуалэ гупыр жьыуэр, сабийхэри я гъусэ, кIуауэ, фэеплъым и деж Тхьэ щелъэIущ, щIэжьейхэр джэгуу къыщанэри, нэхъыжьыIуэхэр лъэгум дыхьащ, мафIэ щащIу тхьэлъэIу шхын щагъэхьэзырыну.
Здыдыхьам... къуацэм ОМОН-р хэст... "экстремист" къаудыдыну къещэу!!! Iуэхур зытетыр къалъагъущ, къагурыIуэри, спец гуп къэкIуам я нэхъыжьыр адыгэ гупсысэкIэ зиIэ щIалэти, и нэхъыжьым и деж екIэпсэуауэ:
"Уа, мы дыкъыздэвгъэкIуар цIыху хъарзынэхэщ, экстремизм Iуэхуи зрахуэкъым. Пикник къэкIуауэ аращ, я сабийхэри мэджэгури бжьэпэм тетщ. Тревогэ къэфIэтар пцIыщ!"
Я нэхъыжьым:
"Хъунщ. Раппорт: Предотвратили выходки группы экстремистов!" – жиIи, зы-тIум я унэцIэр итхи къэхьыж!" – къыхуищIащ унафэ.
"Сыт раппорт!? БжесIакъэ?! Пикник къэкIуэуэ аращ мыхэр, я сабийхэри я гъусэу!!
ФIыуэ спец гупым я командирымрэ Центрым и унафэщIымрэ, зы щIалэ къуацэм хэсу кIэщIэдэIухьыу, зэдэуа и ужь, командирым и фIэщ ищIщ раппорти-бжьапорти тхын зэрыхуейри, ОМОН гупыр ишэжри кIуэжащ.
Мыр къэхъуащ икIи хьэлэмэту хэлъыр еплъыкIэ зэтемыхуэхэрщ.
Адыгэ мин плIыщI илъэс зытIу и пэ Тыркум щызэхуэсыгъам, хьэлэбэлыкъ нэхъ ину къыщыхъуар джэдыкIэ яIэпыхуу зэрыкъутарщ. Нэхъэпэжым, 90 гъэхэм, Налшык стадионым цIыху мин тIощIрэ пщырэ щызэхуэсыгъат, партым и жыIэм емыдаIуэуи, ОМОН, спецназ кърагъэувэкIахэр езэшурэ жейри, митингрыр щызэбгырыкIыжым гу лъамытэу иухащ.Дэ Адыгэ Хабзэм дыщIапIыкIащи, хуитыныгъэр ди гъуазэу допсэу икIи дыпсэунущ. Империер "рабские формы отношений" – зыфIащуэ, нобэрей зэманым зызыужьа къэралхэм щыхыфIадзэж зэхущытыкIэм тетщи, адыгэм и менталитет яхуэмыхъуэжыр якъутэу, унэIут гупсысэкIэм, унэIут зэхущытыкIэм, нэхъ ищхьэIуэкIэ езыхэм я псалъэкIэ къэзгъэлъэгъуа "рабские формы отношений" – жыхуаIэм драгъэувэну илъэс щитI хъуауэ нобэми къыдоныкъуэкъу, наукэм, техникэм и зыужьыныгъэм и щыщхэр Хэкум къызэрысар культурэ къытхуахьауэ къытщагьэхъуну ягъэвуууэрэ, ди нэхъ акъылыншэхэр къагъапцIэу.
Культурэм и лъагапIэри и купщIэри цIыху зэхущытыкIэм и къабзагъэрщ. Урысейм ар щыкъабзэкъым – мыращ дэ, адыгэм, зытхъумэжын, ди зэхэтыкIэри тхъумэжын щIыхуейри!!!
Зи гугъу сщIа къагъэкIуа гупым и унафэщI раппорт зытхын зи напэ тезымыгъэхуам хуэдэ цIыху къабзи яхэтщ нобэрей ди властми, бэм я лIыкIуэу ди фIэщ ящыну хэтми, властым и шэпэIудзу щытхэми. Ауэ къыттрагъэувахэм я нэхъыбапIэр, урысейми зэрыщыхабзэу, дыгъуакIуэрэ къулыкъу щIэкъурэщ.
Comments
Post a Comment