Щысых сэмэгумкIэ: ШъэошIу Тайсир, Молэ Исхьакъ, Бжъэдыгъу Аднан Юнус
ШышъхьэIум и 27-м, Иорданием щылажьэрэ хасэу "Адыгэ хэкум щыпсэурэ Адыгэхэм я ныбджэгъу Хасэ" зыфиIорэм иегъэжьэнкIэ, Адыгэ Хэку зэгъэшIэн гупчъэмрэ, музейеу Адыгэ унэмрэ зэгурыIоныгъэ тхьапэ кIэтхагъэх. Ныбджэгъу хасэм илъэныкъокIэ зэIукIэм хэтыгъэх, гъэцэкIакIо купым итхьэматэу Молэ Исхьакърэ купым хэтхэм ащыщхэмрэ. ЗэгъэшIэн гупчъэм илъэныкъокIэ тхьапэм кIэтхагъ, гупчъэм итхьэматэу ШъэошIу Тайсир. Адыгэ унэм илъэныкъокIэ кIэтхагъ, унэр къызэIуихыгъэу зигъэлажьэу Бжъэдыгъу Аднан Юнус.
ЗэгурыIоныгъэ тхылъым пшъэрылъ шъхьаIэу иIэр, Адыгэ лъэпкъым ыкIи Адыгэ хэкум афэгъэхьыгъэ шIэныгъэ лэжьыгъэхэмкIэ зэдэлэжьэнхэр ары ыкIи IэпыIэгъу зэфэхъунхэр ары. ШIэныгъэ-лэжьыхэм е еджакIохэм Гупчъэмрэ Унэмрэ тхыгъэу ыкIи Iэмэпсымэу яIэхэр агъэфедэнхэ алъэкIыщт. Ащ нэмыкIэ Гупчъэмрэ Унэмрэ яIэхэр интернетым къыралъхьэщтыт хэти ыгъэфедэн ылъэкIынэу.
Къызхэтхыгъэр: facebook
Comments
Post a Comment