Бэдзэогъум и апэрэ мафэхэм Шъачэ хахьэрэ къалэу Адлер сауагъэт дагъэуцогъагъ. Ар дзэ пытапIэм фэдэу ашIыгъ. 1837 илъэсым, Урысые Империем идзэ Адлер шъолъырэр зещтэм пытапIэу агъэуцугъагъэм фэгъэхьыгъ. Хы Iушъом Iут нэмыкI шъолъырыхэм инахьыбэр джыри Адыгэмэ аIыгъэгъагъэх 1864 илъэс нэс.
Бэдзэогъум и 8-м, Адыгэ лъэпкъ Iоф-лэжь 50 нахьыбэ чIэдзагъэу джэпсалъэ Урысые Федерацием и президентэу Путин Владимир фагъэхьыгъ. Ащ къыщаIо, мы саугъэтыр зэрагъэуцугъэр Адыгэ лъэпкъым игу зэрэримыхьэрэр ыкIи ащ фэдэ саугъэтхэм зэгурыIоныгъэр нахь чыжьэу зэришIырэр.
Бэдзэогъум и 8-м, саугъэтыр Iуахыжьыгъ. Шъачэ иадминистрацие щыщхэм къызэраIуагъэмкIэ а суагъэтыр законым тетэу ашIыгъэп, ащ пае ар Iуахыжьыгъ.
Саугъэтым иIухыжьын унашъо зишIыгъэр къэшIэгъуаеп, ар Кремлыныр ары. КъызэрэлъагъорэмкIэ мы уахътэм ар фаеп Адыгэ хэкум ыкIи Кавказым зэгурымыIоныгъэхэр къыщытэджынэу.
Comments
Post a Comment