Урысые Федерацием икъыкъочIыпIэ щыIэ шъолъырэу Хабаровск яплIанэрэ мазэм хэхьагъэу мырэзэныгъэ-зэхахьэр щэкIох. Ахэр нахьыбэмкIэ шъолъырым икъэлашъхьэу Хабаровск зыщыкIохэрэр.
Шъолъырым итхьэмэтагъэу Фургал Сергей, бэдзэогъум и 9-м полициехэм аубыти хьапсым чIагъэтIысхьагъ. Ахэм зэраIорэмкIэ 2004-рэ илъэсым цIыф укIын Iофыгорэм хэлэжьагъэу ары, ау ар зэраубытыгъэм дырамыгъащтэу цIыфхэр урамым къытехьагъэх. Мафэ къэс пIоми хъунэу мырэзэныгъэ-зэхахьэхэр къырагъэкIокIых ыкIи Фургал къатIупщыжьынэу кIэдаох. Зэхахьэхэм мин пшъырыпшъхэр ахэлажьэ.
Анахьыбэу цIыф къызекIолIагъэр бэдзэогъум и 25-р ары. Ащ мин 100 фэдиз мырэзэныгъэ-зэхахьэм хэлэжьагъэу къатхы. Джаф фэдэу, мы аужьырэ мэфэзакъо мафэм, мин пшъырыпщъхэр мырэзэныгъэ зэхахьэм хэлэжьагъ.
Comments
Post a Comment