Бэдзэогъум и 6-м, Адыгэ Республикэм и ЛIышъхьэу КъумпIыл Мурат унашъо къыдигъэкIыгъ зекIом пылъ купхэм, хьакIэщхэм ыкIи ахэм апышIагъэхэм яIоф рагъэжьэжьынэу фитхэу. Ау ахэм коронавирус узым узэрэпэуцощт щапхъэхэр тегъэпытэхьыгъэу агъэцэкIэн фае.
Ащ нэмыкIэу, зекIом епхыгъэу бизнес къызэIуихыщтхэм дэгъоу загъэхьэырыным пае КъумпIылым хьыкумэтым унашъо фишIыгъ непэрэ мафэм къекIурэ щапхъэхэр къагъэнэфэнэу.
Илъэс къэс цIыф милион ныкъо фэдиз Адыгэ Республикэм зыщаплъэхьынэу ыкIи зыщагъэпсэфынэу къакIох.
Comments
Post a Comment