Тыркуем щылажьэрэ хасэу Кавказ Федерацием (Каффед) джэпсалъэу къишIыгъэм Урысые Федерацием иконституцие зэхъокIыныгъэу фашIыхэрэм зэрэдырамыгъащтэрэр къыщаIо.
Джэпсалъэм мыщ фэдэу къыщаIо: Тэ Адыгэу хэхэсым щыпсэухэрэмкIэ Урысые Федерацием щыпсэурэ лъэпкъхэм мамырыныгъэрэ зэгурыIоныгъэр ягузэгу илъынэу тышIоигъу. Конституцием зэхъокIыныгъэу фашIыхэрэр дунае законхэм ыкIи демократие гупщысэхэм къадищтэрэп.
Мы джэпсалъэр атIуанэрэу Каффедым къешIы. Мэзэ заулэ ипэкIи джащ фэдэу джэпсалъэ ащтэгъагъ зэхъокIыныгъэхэм зэрэдырамыгъащтэрэр къыщаIоу.
Каффедым хасэ 60 нахьыбэ хэт. Ащ иIофисхэр Анкъара дэтых.
Джэпсалъэу къашIыгъэр: ТыркубзэкIэ, УрысыбзэкIэ.
Comments
Post a Comment