AdygPlus - Circassian blog                                                            English   Адыгэ   Русский   עברית   عربي   Turkçe                                            
 

Адыгэ лъэпкъ гъэкIодыр афаIотэнэу Адыгэхэр Израиль ипарламент кIощтых

Израил ипарламент (Кнесет)

Израил къэралым ит Адыгэ къуаджэу Кфар-Кама имуниципалънэ хасэм, Урыс Адыгэ заом (1763-рэ илъэсым щегъэжьагъэу 1864-м нэс) Адыгэу хэкIодагъэхэм я шъыгъо-шIэжь мафэ фэгъэхьыгъэ Iофтхьабзэхэу къырагъэкIокIыщтхэр фасебукым къырагъэуцуагъ.

А Iофтхьабзэхэм ащыщхэр къыхэдыгъэщынэу тшIоигъу:

- ЖъоныгъуакIэм и 15-м, Кфар-Кама щыщ лIыкIохэр Израил ипарламент хэтхэм аIукIэщтых ыкIи Адыгэ лъэпкъ гъэкIодым икъэбар афаIотэщт.

ЖъоныгъуакIэм и 21-м, пчъэдыжьым, сыхьатэ 11:20-м, къуаджэм дэт зэфэшъхьэф еджапIэхэм ачIэсхэм зэхахьэ афрашIыщт.

ЖъоныгъуакIэм и 21-м, пчъыхьэм, сыхьатэ 20:15-м, шъыгъо-шIэжь мафэм фэгъэхьыгъэ зэхахьэ шъхьаIэр рагъэжьэщт. Ащ хэлэжьэщтых Кфар-Камэрэ Израил ит атIуанэрэ Адыгэ къуаджэу Рихьаниемрэ ащыпсэухэрэр ыкIи Израил инэмыкI шъолъырхэм ащыщ хьакIэхэр.