Гъазетэу Адыгэ Макъ зыфаIорэм Адыгабзэ ышIэрэп

 

Мыщ ихэкIэ чIэт тхыгъэр Адыгэ Республикэм ихэку-зехьэ и гъэзетэу Адыгэ Макъ зыфаIорэм къырагъэуцуагъ. 

Ащ мыАдыгэ гущыIэу хэтхэм уинэ агъэузы. ЫтIанэ гъэшIэгъоныр а мыАдыгэ гущыIэхэм апае Адыгэ гущыIэхэр IэшIэхэу къэбгъотын плъэкIыщ. 

ГущыIэм пае "водительхэм" иблэкIэу "Ку зызфэхэрэм" утхымэ хъугъэба. Джащ фэдэу адрэ мыАдыгэ гущыIэу хэтхэм яблэкIэу Адыгэ гущыIэхэр къэбгъотын плъэкIыщт, тэкIужъые удэлажьэмэ. 

Мары Адыгэ Макъэм къырагъэуцуагъэр:

Сакъынхэу водительхэм къяджагъ - adygvoice.ru

Федеральнэ автомобиль гъогоу М-4 «Дон» зыфиIорэм Адыгеим иполицие иIофы­шIэ­хэм Iофтхьабзэу «Держи дистанцию!» зыфиIорэр щы­рагъэкIокIыгъ.

Гъогур щынэгъончъэныр ыкIи псынкIа щэу узекIо зэрэмыхъущтыр инспекторхэм водительхэм агу къагъэкIыжьыгъ.

Анахьэу гъэмафэм федеральнэ автомобиль гъо­гухэм транспортыр нахьыбэу атет, ащ къыхэ­кIыкIэ гъогу хъугъэ-шIагъэ къэ­хъуным ищынагъо ­къэуцу.

Адыгеим икъэралыгъо автоинспекторхэм зэхащэгъэ Iофтхьабзэм хахьэу гъогурыкIоным ишапхъэ­хэр уукъохэ, уапэ ит ма­шинэм блэгъащэу уекIуа­лIэ зэрэмыхъущтым во­дительхэм анаIэ атыра­рагъэдзагъ.

Ащ нэмыкIэу авариехэм ахэмыфэнхэм фэшI псынкIащэу узекIо зэ­рэмыхъущтыр араIуагъ, анахьэу машинэхэр бэу зыщызекIохэрэ федеральнэ гъогухэм сакъыныгъэ къазэрэщызхагъэфэн фаемкIэ зэдэгущыIэгъухэр адашIыгъэх. Iофтхьабзэм икIэухым инспекторхэм узыгъэгъозэрэ тхьапэ цIы­кIоу «Держи дистанцию!» зыфиIорэр водительхэм афагощыгъ.

Урысыем хэгъэгу кIоцI IофхэмкIэ и Министерствэ и Къэралыгъо автоинспекциеу Адыгеим щыIэм и ГъэIорышIапI.