Гъуашъо Руслан ипсэуныгъэ непэ тэкIу нахьышIу хъугъэ

Мы блэкIыгъэ мэфищым Гъуашъо Руслан къэмытэджэу пIом хэлъыгъ, ау непэ, чъэпыогъум и 3-м, ащ Адыгэ Республикэм ыкIи Краснодар шъолъырым ащыпсэурэ бисмэнхэм я хасэ щыщ лIыкIохэр идэжь къызэкIохэм Руслан къэтэджын ылъэкIыгъ ыкIи ахэм сыхьатитIо адыщысын ылъэкIыгъ. Джащ фэдэу интернет агенствэу Кавказ Узлым къетхы.

Шъугу къэтэгъэкIыжьы, Iоныгъом и 11 щегъэжьагъэу Гъуашъо Руслан щхэжьырэп Краснодар краим иструктурэхэр мызэфэныгъэкIэ къызэрэдэзекIохэрэм пае. Руслан зэрэкъотыр къигъэлъэгъоным пае, Iоныгъом и 30-м, сыхьатэ 13.00-м щегъэжьагъэу Адыгэ Республикэм щыщ Адыгэ кIалэу Бэрзэдж Серкан мыщыхэжьэу (инэкIэу) ыублагъ.

Гъуашъо Руслан зэрэкъотхэр къэзыгъэлъагъорэ зэхахьэхэр ХэкумкIэ: Налщыч, Черкеск ащыкIуагъэх, хэхэсымкIэ: Анкъара, Истанбул (Тыркуе) Кфар-Кама (Израил) Ню-Йорк (Америкэ) ащыкIуагъэх.

Чъэпыогъум и 5-м, сыхьатэ 15.00-м, Краснодар шъолъырым исуд Руслан иIоф хэплъэщт.

Бэрзэдж Серкан