ЖъоныгъуакIэм и 21-м, 2017-рэ илъэсым, Шъыгъо-ШIэжь мафэм фэгъэхьыгъэ Iофтхьабзэ 72-рэ Адыгэ республикэм къыщырагъэкIокIыщт. Ахэр УрысыбзэкIэ тхыгъэу Адыгэ Республикэм лъэпкъ IофхэмкIэ, IэкIыб къэралхэм ащыпсэурэ тилъэпкъэгъухэм адыряIэ зэпхыныгъэхэмкIэ ыкIи къэбар жъугъэм иамалхэмкIэ и Комитет и сайт итых adygkomnac.ru. (тиблоги ахэр итых adygplus.blogspot.ru)
Мыекъуапэ, Адыгэкъал ыкIи Адыгэ республикэм ит шъолъыр пстэуми зэхахьэхэр къыщырагъэкIокIыщтых.
Зэхахьэ шъхьаIэр Мыекъуапэ щыкIощт. Сыхьатэ 17:00-м Мыекъуапэ икъэлэ парк цIыфхэр къыщызэрэугъоищтых. Ащ къыщырагъэжьэнышъ цIыфхэр зэхэтхэу зыкIыныгъэмрэ зэгурыIоныгъэмрэ ясаугъэт дэжь къынэсыщтых.
Я 19-рэ лIэшIэгъум щыIэгъэ Урыс-Кавказ заом хэкIодагъэхэр агу къызыщагъэкIыжьырэ шъыгъо-шIэжь Мафэм фэгъэхьыгъэ митинг-реквиемыр Адыгэ Республикэм и Къэралыгъо филармоние сыхьатыр 18.00-м щырагъэжьэщт.
Comments
Post a Comment