Friday, 23 March 2018

Кик-боксингкIэ дунае чемпионыр ихэку къэзыгъэзэжьыгъэм еуагъ

Хэжъ щамил сэмугумкIэ щыт

Adnan Khuade - facebook.com къыщетхы:

Кик-боксингкIэ дунаем ыкIи европэм тIогъогогъо и чемпион Хэжъ Щамил Яблоновскэ урамхэм цIыфмэ яозэ зыщегъасэ.

Аужырэу утыныр зытефагъэр бэкIэ ежь нахьыжъэу диаспорэм къикIыжьыгъэу адыгэ кIал.

Iазэхэм къатхыгъэ рапортхэмкIэ кIалэм ынакIэ кIиутыгъ. Ишъхьа шъобжъхэр трищагъ. Ышъхьакуц ыгъэсысыгъ.

Мы шъхьаубатэр яблоновскэ и цIыф гъэшIуагъэ ашIыгъ. КIэлэ мычъэпхъугъэм зэрэ спортсмен дэгъум паекIэ фэмыхьышъун хьылъэхэр теплъхьа хъущтэп.

Диаспорэм къикIыгъэ кIалэм полицием заявление зыкIелъхьам "уадыгэба - тыадыгэба" гущэIакIэхэр къежьагъ псынкIэу. Район администрацием итхьаматэу Шъхьалъахъо Азмэт районым ынапэ къытхьакIыжьын ыIуишъ кIалэхэр зэригъэшIужьыгъ.

КIэлэ пагэу кIэлэ мыгъасэу Хэжъыр диаспорэм къикIыжьыгъэ кIалэм къыфигъэгъунэу елъэIугъ. Ащ нахьыбэ ащ фэдэ хьайнапагъэхэр къыхэмыфэжьынэу тщэгугъу.

Зэрэ чемпионым пай ишIой ренэу пIуаблэ чIэгъым кIэбгъэзыхьан плъэкIынэп ныIа?

No comments:

Post a Comment