Sunday, 24 September 2017

Израил щыпсэурэ Адыгэхэм зэхахьэ ашIыгъ Гъуашъо Руслан пае


Iоныгъом и 24-м, Израил щыпсэурэ Адыгэхэм зэхахьэ ашIыгъ Гъуашъо Руслан пае. Ар Адыгэ къуаджэу Кфар Кама щыIэ муниципальнэ хасэм иунэ идэжь щышIыгъ. Зэхахьэм нэбгырэ шъэныкъо фэдиз хэлэжьагъ.

Заахьэм къыщыгущыIагъэхэм Гъуашъо Руслан зэрэдырагъащтэрэр къаIуагъ. Кфар Кама хасэм итхьэматэу Нэпсэу Закарие къыIуагъ Израил щыпсэурэ Адыгэхэр Гъуашъо Руслан зэрэкъотыхэр ыкIи Урысые Федерацием изэфшъхьэф структурэхэр зэфэныгъэ ахэлъэу Руслан къызэрэдэзекIон фаехэр къычIигъэтхъыгъ.

Зэхахьэм хэлэжьагъэхэм ащыщ илъэс 5 зиныбжь Адыгэ кIэлэцыкIоу Шъэджашъэ Саусэр. Ащ Руслан сыкъот къыIуагъ.

КъэIогъэн фае, Гъуашъо Руслан тхьэмэфитIу хъугъэу щхэжьырэп Краснодар краим иструктурэхэм мызэфэныгъэ хэлъэу къызэрэдэзекIохэрэм пае. Мы аужьырэ мафэхэм нахь ерагъоу хъугъэ.
Тыркуеми мыщ фэдэ зэхахьэхэр Истанбул ыкIи Анкъара щашIыгъэх.

Шъэджашъэ Саусэр














No comments:

Post a Comment